Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Զրույցի ընթացքում Էրդողանը և Ալիևը քննարկել են երկկողմ հարաբերությունները, ինչպես նաև տարածաշրջանային և գլոբալ հարցեր՝ հայտնում է TRT-ն ռուսերեն։
Ըստ Թուրքիայի նախագահի աշխատակազմի՝ Էրդողանն ընդգծել է, որ Թուրքիան և Ադրբեջանը կշարունակեն զարգացնել համագործակցությունը բոլոր ոլորտներում՝ առաջնորդվելով «երկու պետություն-մեկ ժողովուրդ» սկզբունքով։
Թուրքիայի նախագահը նաև վստահեցրել է, որ իր երկիրը «լիովին աջակցում է Հարավային Կովկասում կայուն խաղաղության հաստատմանը և կշարունակի բազմակողմանի աջակցություն ցուցաբերել Ադրբեջանին»։