Ինչպես հայտնում է Daily Telegraph-ը, Թրամփը Ուկրաինային ներկայացրել է պահանջ, ըստ որի Զելենսկին պետք է փոխանցի ԱՄՆ-ին օգտակար հանածոների արդյունահանման եկամուտների 50%-ը, ինչպես նաև նոր կնքվելիք գործարքների 50%-ը պետք է պատկանի ԱՄՆ-ին։ Մի շարք արևմտյան վերլուծաբաններ նշում են, որ նույնիսկ 1945 թվականին կապիտուլյացիայի ենթարկված Գերմանիային չեն ներկայացվել այնպիսի նվաստացուցիչ պայմաններ, որոնք առաջարկվող «խաղաղության» մեջ ներառված են Զելենսկու համար։
Արդյո՞ք Ռուսաստանն ունեցել է այսքան մեծ տարածքներ Եկատերինա Մեծի օրերից հետո։ Կարծում եմ՝ ոչ։ Այսօր փաստ է, որ Ռուսաստանը ընդլայնվել է, մեծացրել իր քաղաքական քարտեզը և վերականգնել իր դիրքերը բազմաբևեռ աշխարհակարգում։
Ի՞նչ է կատարվում հիմա, երբ կլոունը բաժանել է Եվրոպայի խոշորագույն երկրի տարածքները երկու գերտերությունների միջև, ոչնչացրել է իր ազգի միլիոնավոր մարդկանց, քանդել է էներգետիկ համակարգը, ենթակառուցվածքները և, իհարկե, երկրի տնտեսությունը։
Բայց արդարության համար պետք է ասել, որ իրականում կլոունը չէր կարող դա անել, եթե ուկրաինացիները չընտրեին և չաջակցեին նրան։
Երեկ Սաուդյան Արաբիայում մեկնարկեցին ԱՄՆ-ի և Ռուսաստանի միջև երկկողմ բանակցությունները, ինչը նշանակում է, որ արդեն իսկ գոյություն ունեն հստակ պայմանավորվածություններ, և ռուսները նոր աշխարհը բաժանելու են ամերիկացիների հետ։ Մի քանի ամիս անց այն անձինք, ովքեր այս տարիների ընթացքում, սկսած ՍВО-ի առաջին օրերից, երազում էին Ռուսաստանի անխուսափելի կործանման մասին, ամենադժվարը կանցնեն, քանի որ նրանք այլևս չեն պայքարի արևմտյան արժեքների համար նույն եռանդով․ նրանք կորցնում են իրենց տերերին։
Սա վերաբերում է նաև մեր տեղական արևմտամետ կոչվողներին, ովքեր մեծ հիասթափության եզրին են։