Աշխատակիցների ստուգմամբ զբաղվող ամերիկյան ընկերությունում տվյալների արտահոսքի արդյունքում խոցելի են դարձել ավելի քան 3,3 միլիոն մարդու անձնական տվյալները, հայտնում է Newsweek պարբերականը։
ԱՄՆ խոշոր ընկերությունների համար կենսաբանական ստուգումներ անցկացնող և թմրամիջոցների թեստավորում անող DISA Global Solutions ընկերությունը հայտարարել է, որ ինքը դարձել է «կիբեր միջադեպի» զոհ, որի ժամանակ հաքերները մուտք են գործել ավելի քան 3 միլիոն մարդու սոցիալական ապահովության համարներ, վարկային քարտեր և պետական վկայականներ:
DISA-ի հաճախորդների ցանկը ներառում է Fortune ցանկն ընդգրկված 500 ընկերությունների մեկ երրորդը:
Արտահոսքը կիբերանվտանգության խոշոր ճեղքվածք է առանձնապես զգայուն ոլորտի համար, գրում են լրատվամիջոցները։
Երկուշաբթի DISA-ն բողոք է ներկայացրել ԱՄՆ Մեյն նահանգի գլխավոր դատախազին, որ 2024 թվականի փետրվարի 9-ին տեղի ունեցած հարձակումը երկու ամիս շարունակ անհայտ է մնացել, և ընկերությունը «չի կարողացել վերջնականապես որոշել, թե ինչ տվյալներ են ձեռք բերվել»:
Հայտարարությունը հաստատում է, որ հարձակումից տուժել է 3 միլիոն 332 հազար 750 մարդ, և որ առաջարկվել են անձնական տվյալների պաշտպանությամբ զբաղվող ծառայություններ:
DISA-ի կայքում նշվում է, որ ընկերությունն առաջարկում է ինը տարբեր զննման և համապատասխանության լուծումներ՝ սկսած թմրամիջոցների և ալկոհոլի թեստավորումից մինչև բժշկական թեստեր, մասնավորապես բժշկական հետազոտությունները: