Օդի աղտոտվածության մակարդակի առումով երկու խնդիր ենք լուծելու՝ բարելավելու Առողջապահական և աշխատանքի տեսչության գործառույթները և լուծել տեխնիկական հագեցվածության խնդիրը, որպեսզի գնահատականները ճիշտ լինեն։ Այս մասին մարտի 5-ին խորհրդարանում կառավարության ժամին հայտարարեց ՀՀ կառավարության փոխվարչապետ Մհեր Գրիգորյանը։
Նրա խոսքով, աժիոտաժի պատճառն այն է, որ շինհրապարակներում կամ որտեղ այս խնդիրը սուր է և սենսորներ են տեղադրված, դրանցից եկող տեղեկատվությունը խնդրահարույց պատկեր է տալիս։
«Բայց ամեն ինչ այնպես չէ, ինչպես երևում է հանրային ասպարեզում»,- նկատեց Գրիգորյանը։
Նա պարզաբանել է, որ իշխանությունները ներկայումս զբաղվում են այդ հարցով վարչապետի հանձնարարականով։