ԱՄՆ նախագահ Դոնալդ Թրամփը Fox News-ին տված բացառիկ հարցազրույցում, որը հեռարձակվել է կիրակի օրը, ասել է, որ հարևան երկրներից՝ Մեքսիկայից և Կանադայից, ներմուծվող ապրանքների մաքսատուրքերը ապագայում կարող են ավելի բարձրանալ:
«Կարծում եմ՝ գործարար համայնքը կարող էր հստակություն տեսնել մաքսատուրքերի հարցում, — ասել է նա՝ նկատի ունենալով ընկերությունների ղեկավարների՝ կապիտալ ներդրումների համար կանխատեսելիություն տեսնելու ցանկությունը:- Բայց ժամանակի ընթացքում սակագները կարող են բարձրանալ, և դրանք կարող են բարձրանալ…»:
Ըստ ԱՄՆ նախագահի, երկիրը «կողոպտում են աշխարհի բոլոր երկրները, աշխարհի բոլոր ընկերությունները»։
«Մեզ կողոպտել են նախկինում չտեսնված մակարդակներում, և մենք պատրաստվում ենք այդ ամենը հետ բերել», — ասել է նա:
Թրամփը մաքսատուրքեր է սահմանել Մեքսիկայից և Կանադայից, ինչպես նաև Չինաստանից ներմուծվող ապրանքների վրա՝ որպես պատճառ նշելով, որ այդ երկրներում սահմանային հսկողության հետ կապված խնդիրները, իբր, հանգեցրել են նրան, որ «ֆենտանիլը մտնում է ԱՄՆ և սպանում ամերիկացի քաղաքացիներին»: