Ռուսաստանի նախագահ Վլադիմիր Պուտինը օրենք է ստորագրել, որը վավերացնում է Իրանի հետ համապարփակ ռազմավարական գործընկերության մասին համաձայնագիրը: Ըստ РИА Новости-ի՝ համապատասխան փաստաթուղթը տեղադրվել է իրավական ակտերի պաշտոնական հրապարակման կայքում:
Համաձայնագիրը ստորագրվել է 2025 թվականի հունվարի 17-ին՝ Իրանի նախագահ Մասուդ Պեզեշքիանի Մոսկվա կատարած այցի ժամանակ։
Ըստ փաստաթղթի՝ կողմերը ձգտում են խորացնել և ընդլայնել հարաբերությունները փոխադարձ հետաքրքրություն ներկայացնող բոլոր ոլորտներում, ամրապնդել համագործակցությունը անվտանգության և պաշտպանության ոլորտում, սերտորեն համակարգել գործունեությունը տարածաշրջանային և գլոբալ մակարդակներում, ինչը համապատասխանում է երկարաժամկետ, համապարփակ և ռազմավարական գործընկերությանը։