Ռուսաստանի եւ ԱՄՆ նախագահներ Վլադիմիր Պուտինի եւ Դոնալդ Թրամփի միջեւ հարաբերությունները լավ են ընթանում, եւ առաջնորդները հեռախոսազրույցների ժամանակ քննարկում են հարցերի էությունը։ Այս մասին հայտնել է Ռուսաստանի արտաքին գործերի նախարար Սերգեյ Լավրովը «Ապագայի ֆորում 2050»-ում։
«Ես կարծում եմ, որ հարաբերությունները, որոնք հաստատվել են Դոնալդ Թրամփի առաջին ժամկետի ընթացքում, աշխատանքային հարաբերություններ են, դրանք որեւէ նախաբանի կամ ներկայացման կարիք չունեն։ Նրանք անմիջապես անցնում են թեմային իրենց կանոնավոր հեռախոսային շփումների ժամանակ։ Եվ կարծում եմ, որ այդպես էլ պետք է անել։ Միշտ ավելի լավ է ուղղակիորեն արտահայտել դիրքորոշումը, այդ դեպքում չեն լինի պատրանքներ կամ չիրականացված հույսեր»,- ասել է Լավրովը։