Ֆրանսիայի նախագահ Էմանուել Մակրոնը և Ռուսաստանի նախագահ Վլադիմիր Պուտինը հեռախոսազրույց են ունեցել, որը տևել է ավելի քան երկու ժամ։ Դրա մասին հայտնել են Ելիսեյան պալատից՝ ընդգծելով, որ զրույցը առաջինն էր գրեթե երեք տարվա ընթացքում։
«Ֆրանսիայի և Ռուսաստանի նախագահներն այսօր հեռախոսազրույց են ունեցել, որը տևել է ավելի քան երկու ժամ»,- ասված է պաշտոնական հաղորդագրության մեջ։
Զրույցի ընթացքում Մակրոնը վերահաստատել է Ֆրանսիայի «անսասան աջակցությունը» Ուկրաինայի ինքնիշխանությանն ու տարածքային ամբողջականությանը և կոչ է արել անհապաղ դադարեցնել կրակը և անցնել բանակցությունների։
Շարունակվող հակամարտության ֆոնին հեռախոսազրույցը կարևոր ազդանշան էր երկու առաջնորդների միջև անձնական շփումների երկարատև ընդմիջումից հետո։