Ռուսաստանի նախագահ Վլադիմիր Պուտինը սեպտեմբերի 25-ին կհանդիպի մի քանի օտարերկրյա պատվիրակությունների ղեկավարների հետ Ռուսաստանի միջուկային արդյունաբերության 80-ամյակին նվիրված Գլոբալ ատոմային ֆորումում ելույթ ունենալուց հետո։
Այս մասին հայտնել են նախագահի մամուլի ծառայությունից։
«Ֆորումից հետո Վլադիմիր Պուտինը կհանդիպի մի քանի օտարերկրյա պատվիրակությունների ղեկավարների հետ»,- նշվում է հայտարարության մեջ։
Գլոբալ ատոմային էներգիայի ֆորումին կմասնակցեն Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին, Բելառուսի նախագահ Ալեքսանդր Լուկաշենկոն, Մյանմայի նախագահի պաշտոնակատար Մին Աուն Հլայնը, Հայաստանի վարչապետ Նիկոլ Փաշինյանը և Եթովպիայի վարչապետ Աբիյ Ահմեդը: Մասնակիցների ցանկում են նաև Իրանի, Ուզբեկստանի, Եգիպտոսի և Նիգերի ներկայացուցիչներ: