Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև հեռախոսազրույցը կկայանա համաձայնության հասնելուն պես, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Հեռախոսազրույցի վերաբերյալ դեռևս որևէ հստակ պայմանավորվածություն չկա։ Հենց որ դրանք լինեն, զրույցը տեղի կունենա»,- ասել է Պեսկովը՝ պատասխանելով լրագրողների հարցին Թրամփի՝ Պուտինի հետ Tomahawk հրթիռների մասին հնարավոր զրույցի վերաբերյալ հայտարարության մասին։
Ավելի վաղ Թրամփը լրագրողներին հայտարարել էր, որ կարող է Պուտինի հետ քննարկել Ուկրաինային Tomahawk հրթիռների հնարավոր մատակարարման հարցը։ ԱՄՆ նախագահի խոսքով, Վաշինգտոնը կարող էր այդ հրթիռները տրամադրել Ուկրաինայի ԶՈւ-ին, եթե ուկրաինական հակամարտությունը չհաջողվի կարգավորել։