Կրեմլը Ուկրաինայի շուրջ բանակցությունների իրավիճակը գնահատում է որպես չափազանց երկարատեւ դադար։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը, տեղեկացրել է «ՌԻԱ Նովոստին»։
Նա ընդգծել է, որ այս դադարը առաջացել է Կիեւի երկխոսությունը ակտիվացնելու դժկամության պատճառով։
Պեսկովը հավելել է, որ Պուտինը, ինչպես Թրամփը, չի բացառում ապագայում Ռուսաստան-ԱՄՆ գագաթաժողովի անցկացումը։
«Ո՛չ Պուտինը, ո՛չ էլ Թրամփը չեն ցանկանում հանդիպել միայն հանդիպման համար եւ ժամանակ վատնել. արդյունքների համար անհրաժեշտ է նախապատրաստություն»,- ընդգծել է նա։
Պեսկովը նշել է, որ Մոսկվան վերլուծում է Ռուսաստանի դեմ նոր պատժամիջոցները։
Ինչ վերաբերում է Մոսկվայի արձագանքին, նա ասել է, որ Ռուսաստանը ոչ մեկի դեմ չի գործում, այլ գործում է իր սեփական օգտի համար, եւ դա այն է, ինչ նա շարունակելու է անել։
Պեսկովը նշել է, որ Կիեւի երկխոսությունը շարունակելու դժկամությունը խրախուսվում է իր եվրոպացի վերահսկիչների կողմից։ «Պուտինի հայտարարությունը Tomahawk-ների հնարավոր հարվածային փորձերին արձագանքի վերաբերյալ պերճախոս է եւ սպառիչ. բացատրելու բան չկա»,- եզրափակել է նա։