Ռուսաստանի նախագահի մամուլի քարտուղար Դմիտրի Պեսկովը մեկնաբանել է նախագահներ Վլադիմիր Պուտինի և Դոնալդ Թրամփի հանդիպման հնարավորությունը։
«Հիմա դժվար թե հնարավոր լինի կանխատեսել, թե երբ այդ պայմանները կստեղծվեն։ Թեև, իհարկե, մենք բոլորս շահագրգռված ենք, որ այդ պայմաններն ավելի շուտ ստեղծվեն, քան ուշ», — ասել է նա՝ պատասխանելով «ՌԻԱ Նովոստիի» այն հարցին, թե որքան շուտ և ինչ պայմաններում կարող է Ռուսաստանի և ԱՄՆ-ի ղեկավարների հանդիպման համար հարմար պահը գալ։
Պեսկովը նշել է, որ դրա համար պետք է նախապատրաստական աշխատանքներ տարվեն և ստեղծվեն անհրաժեշտ պայմանները։ «Հենց որ այս նախապատրաստական աշխատանքներն ավարտվեն և գագաթնաժողովի անցկացման պայմանները լինեն, մենք հույս ունենք, որ այն կկայանա», — ասել է նա։