«Коммерсантъ» պարբերականը հրապարակել է Ռուսաստանի և Բելառուսի նախագահներ Վլադիմիր Պուտինի և Ալեքսանդր Լուկաշենկոյի բանակցություններին արդյունքներով արված հիմնական հայտարարությունները։
Վլադիմիր Պուտինի հայտարարությունները
Ուկրաինայում հրադադարի մասին
- Մենք համաձայն ենք մարտերը դադարեցնելու առաջարկների հետ, բայց դրանք պետք է հանգեցնեն երկարաժամկետ խաղաղության։
- Ռուսաստանը հանդես է գալիս Ուկրաինայի հետ 30-օրյա զինադադարի օգտին, սակայն կան նրբերանգներ:
- Կիևը կարող է օգտագործել զինադադարը զենք ձեռք բերելու կամ ուժերը կենտրոնացնելու նպատակով։
- Անհասկանալի է, թե ով է տալու ռազմական գործողությունները դադարեցնելու հրամանը և ինչ արժեն այդ հրամանները։
- Մի՞թե մենք պետք է Ուկրաինայի զինված ուժերին բաց թողնենք Կուրսկի մարզից, եթե նրանք ներկայում արգելափակված են այնտեղ։ Թե՞ ուկրաինական հրամանատարությունը կասի՝ վայր դնեն զենքերը։
- Ո՞վ է որոշելու, թե որտեղ և ով է խախտել երկու հազար կիլոմետր հեռավորության վրա զինադադարի հնարավոր պայմանավորվածությունը։ Իսկ հետո ո՞վ է ում վրա բարդելու պայմանագրի խախտումը։ Սրանք հարցեր են, որոնք պահանջում են ուշադիր ուսումնասիրություն երկու կողմերից:
- Իրավիճակը երկրի վրա արագորեն փոխվում է. Ռուսական բանակը գրոհում է գրեթե ամենուր, անհասկանալի է, թե ինչպես կկարգավորվի իրավիճակը հրադադարի դեպքում շփման գծում:
- Ռուսաստանը կքննարկի հակամարտության դադարեցման հարցը՝ ելնելով տեղում ստեղծված իրավիճակից։
- Շնորհակալ եմ պարոն Թրամփին Ուկրաինայի կարգավորմանն այդքան մեծ ուշադրություն դարձնելու համար։
- Եթե Ռուսաստանն ու ԱՄՆ-ն համաձայնության գան էներգետիկայի հարցում, Եվրոպան կրկին կկարողանա էժան ռուսական գազ ստանալ։
Կուրսկի մարզում տիրող իրավիճակի մասին
- Իրավիճակը Կուրսկի մարզում ամբողջությամբ մեր վերահսկողության տակ է։
- Ինձ զեկուցեցին. «Վաղը Սուջան կլինի մեր ձեռքում»: Հենց այդպես էլ եղավ։
- Ուկրաինայի զինված ուժերը Կուրսկի մարզում փորձում են դուրս գալ շրջապատումից 2-3 հոգուց բաղկացած փոքր խմբերով, նրանց տեխնիկան ամբողջությամբ լքված է:
- Այն զինծառայողները, ովքեր շրջապատված են եղել Կուրսկի մարզում, միայն մեկ ընտրություն կունենան՝ հանձնվել, կամ զոհվել։
Արևմտյան ընկերությունների վերադարձի մասին
- Ռուսաստանն արդեն դռնփակ բանակցություններ է վարում որոշ արևմտյան ընկերությունների հետ հնարավոր վերադարձի շուրջ։
- Ռուսաստանը նրանց հատուկ արտոնություններ չի տալու։
- Ռուսական շուկա վերադառնալը կարող է բարենպաստ ազդեցություն ունենալ նաև նրանց վրա։
Ալեքսանդր Լուկաշենկոյի հայտարարությունները
Ուկրաինայի մասին
- Պուտինի հետ քննարկել ենք Ուկրաինայի հակամարտության կարգավորման նոր իրավիճակը։
- Պուտինն այսօր և վաղը պետք է սերտորեն աշխատի ուկրաինական հարցի շուրջ։
- Ուզում եմ, որ բոլորը հասկանան, դրանց թվում՝ ուկրաինացիները, որ երեք տարի անց մենք վերադառնում ենք բանակցությունների՝ հաշվի առնելով տեղում տիրող իրավիճակը։
- Ուկրաինայի իրավիճակում մեծ բանի վրա հույս դնել պետք չէ։ Պետք է հավատալ փաստերին, ոչ թե հայտարարություններին ու խոստումներին։
- Ուկրաինան վաղուց պետք է դադարեցներ կրակը և նստեր բանակցությունների սեղանի շուրջ:
- Եթե Ռուսաստանը համաձայնության գա ԱՄՆ-ի հետ, ապա կլինի Եվրոպայի և Ուկրաինայի համար «վատ կվերաջանա» ։
Պատժամիջոցների մասին
- Բելառուսի և Ռուսաստանի վրա ճնշումը չի թուլանում, թեև սահմանափակումներն ավելի մեծ հարված են հասցնում նրանց, ովքեր սահմանել են դրանք։
Փաստաթղթեր
- Համատեղ հայտարարություն բանակցություններից հետո:
- Համաձայնագիր երկու երկրների քաղաքացիներին օտարերկրյա պետությունների և արդարադատության մարմինների կողմից չարդարացված ոտնձգություններից պաշտպանելու միջոցառումների մասին:
- Համաձայնագիր մտավոր սեփականության ոլորտում համագործակցության մասին:
- Նրանք փաստաթղթեր են փոխանակել Միութենական պետության շրջանակում անվտանգության երաշխիքների մասին պայմանագրի վավերացման վերաբերյալ։
- Ուժի մեջ է մտել Միութենական պետության ներսում անվտանգության երաշխիքների մասին պայմանագիրը։