Ռուսաստանի նախագահ Վլադիմիր Պուտինը չի մերժել հրադադարի առաջարկն Ուկրաինայում, լրագրողներին ասել է ԱՄՆ նախագահ Դոնալդ Թրամփը։
Նա ընդգծել է, որ Ռուսաստանն արդեն ենթարկվել է մեծ պատժամիջոցների։
«Նրանք ավելի շատ պատժամիջոցների են ենթարկվել, քան որեւէ մեկ ուրիշը»,- ասել է Թրամփը։
Նա ավելացրել է, որ «մեկ-երկու լավ խոսակցություն է ունեցել Ռուսաստանի եւ Ուկրաինայի վերաբերյալ»։
Հիշեցնենք, որ մարտի 18-ին ԱՄՆ նախագահը հեռախոսով բանակցություններ է վարել Ռուսաստանի նախագահ Վլադիմիր Պուտինի հետ։
Պուտինը համաձայնել է Թրամփի՝ 30 օրով էներգետիկ օբյեկտներին փոխադարձ չհարվածելու առաջարկին։ Մինչ այդ, մարտի 11-ին, Ուկրաինան համաձայնել էր Թրամփի առաջարկին 30 օրով լիակատար հրադադարի մասին։