Ադրբեջանի մամուլի խորհուրդը չի կարող ապացույցներ ներկայացնել, որ «Սպուտնիկ» գործակալությունը, ենթադրաբար, դիվերսիոն գործունեություն է ծավալել այս երկրում, РИА Новости-ին հայտնել է «Россия сегодня» մեդիա խմբի գործադիր տնօրեն Դմիտրի Կիսելևը։
«Ադրբեջանի մամուլի խորհրդի մեղադրանքները թմբուկի պես դատարկ են։ Գործընկերները չեն կարող որևէ օրինակ բերել՝ հիմնավորելու համար իրենց այն թեզը, որ «Sputnik Азербайджан»-ը երկրում դիվերսիոն գործունեություն է ծավալել», — ընդգծել է նա։
Ավելի վաղ Ռուսաստանի լրագրողների միությունը նամակ էր հղել միջազգային կազմակերպություններին, որում կոչ էր արել աջակցել հունիսի 30-ին Բաքվում անօրինական կերպով ձերբակալված «Sputnik Азербайджан»-ի աշխատակիցների անհապաղ ազատ արձակմանը։
Ի պատասխան՝ Ադրբեջանի մամուլի խորհուրդը անհիմն մեղադրանքներ է հնչեցրել ռուսական կողմի հասցեին։ Նրանք հայտարարել են, թե Մոսկվան, իբր, «Սպուտնիկն» օգտագործել է որպես արտաքին քաղաքականության ազդեցության գործիք, հետևաբար, ինչպես ասում են, «հանրապետությունում լրատվամիջոցներին ճնշելու մասին խոսք չկա»։