Ուկրաինայի նախագահ Վլադիմիր Զելենսկին այսօր՝ օգոստոսի 26-ին, հայտարարել է, որ Ռուսաստանի նախագահ Վլադիմիր Պուտինի հետ հնարավոր խաղաղության բանակցությունները կարող են տեղի ունենալ Թուրքիայում, Պարսից ծոցի երկրներում կամ եվրոպական երկրներից մեկում, հաղորդում է Reuters-ը։
Իր երեկոյան ելույթի ժամանակ Զելենսկին ընդգծել է, որ Ուկրաինան արդեն իսկ առավելագույն նախապատրաստություններ է ձեռնարկել պատերազմի ավարտը և բանակցությունների անցկացումը ապահովելու համար։
Նա նշել է նաև, որ իր աշխատակազմի ղեկավար Անդրեյ Երմակը և Ազգային անվտանգության խորհրդի ղեկավարն արդեն իսկ Կատարում են՝ այդ երկրի պաշտպանության նախարարի հետ հանդիպումների համար։
Միևնույն ժամանակ, Զելենսկին նշել է, որ բանակցությունների հետագա առաջընթացը կախված է գործընկերների, առաջին հերթին՝ Միացյալ Նահանգների հետ գործողությունների համակարգումից, մասնավորապես՝ Ռուսաստանի վրա ճնշումն ուժեղացնելու առումով։