ՌԴ նախագահ Վլադիմիր Պուտինը Վլադիմիր Զելենսկուն հրավիրել է Մոսկվա բանակցությունների, այլ ոչ թե կապիտուլյացիայի համար, հայտարարել է Ռուսաստանի առաջնորդի մամուլի քարտուղար Դմիտրի Պեսկովը, հաղորդում է ՌԻԱ Նովոստին։
«Զելենսկուն հրավիրել են Մոսկվա խոսելու, այլ ոչ թե կապիտուլյացիայի համար», — լրագրողներին ասել է Պեսկովը ԵԱՏՄ-ի շրջանակներում։
«Մենք կցանկանայինք մեր նպատակներին հասնել դիվանագիտական և խաղաղ ճանապարհով, քանի դեռ նման հնարավորություններ չունենք, մենք կշարունակենք հատուկ ռազմական գործողությունը», — նշել է նա։
Նրա խոսքով՝ Ուկրաինայում օտարերկրյա զորքերի հնարավոր տեղակայումը չի մոտեցնի հակամարտության կարգավորմանը։
«Դուք չեք կարող երաշխավորել մեկ երկրի (Ուկրաինա — խմբ.) անվտանգությունը՝ խաթարելով մեկ այլ երկրի (Ռուսաստան — խմբ.) անվտանգությունը։ Մեր ընկալմամբ, դա մեզ չի օգնի մոտենալ ուկրաինական հակամարտության կարգավորմանը»։