Աշխատանքային միգրանտները պետք է մնան Ռուսաստանում՝ խստորեն պահպանելով իրենց աշխատանքային պայմանագրերի պայմանները, իսկ աշխատանքն ավարտելուց հետո լքեն երկիրը, ըստ «Коммерсантъ»-ի՝ միգրացիայի հարցերով խորհրդակցության ժամանակ հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը:
«Մեզ անհրաժեշտ է, որ այստեղ գտնվող յուրաքանչյուր ոք խստորեն հետևի այն աշխատանքային պայմանագրերի պայմաններին, որոնցով նրանք ժամանել են, և, համապատասխանաբար, պետք է լքեն երկիրը՝ իրենց առաջադրանքներն ավարտելուց հետո»,- ասել է Դմիտրի Մեդվեդևը։
Ըստ նրա՝ այդ միջոցառումը կօգնի կանխել բախումները և մեղմել հասարակության մեջ լարվածությունը։
Անվերահսկելի և անօրինական ներգաղթը, «որը չափազանց օգտակար է… ահաբեկչական և ծայրահեղական կազմակերպությունների համար, անթույլատրելի է»,- նշել է Մեդվեդևը։ Նա հավելել է, որ Ռուսաստանի Ներքին գործերի նախարարությունն այժմ կարևոր դեր է խաղում այս աշխատանքում: