Իսրայելն ու ԱՄՆ-ն «խելագար» կլինեն, եթե հարձակվեն Իրանի միջուկային օբյեկտների վրա. այս մասին Sky News-ին տված հարցազրույցում ասել է Իրանի արտաքին գործերի նախարար Աբբաս Արաղչին՝ հավելելով, որ դա «շատ վատ աղետ» կլինի տարածաշրջանի համար:
Աղբյուրը նկատում է, որ այս նախազգուշացումը հնչել է Իրանի արտաքին գործերի նախարարի առաջին հարցազրույցում, որը նա տվել է ԱՄՆ նախագահ Դոնալդ Թրամփի երդմնակալության արարողությունից հետո:
Դիվանագետն անդրադարձել է քննարկումներին առ այն, որ Իսրայելը կարող է ԱՄՆ-ի աջակցությամբ հարձակվել Իրանի միջուկային օբյեկտների վրա:
«Մենք հստակ հասկացրել ենք, որ մեր միջուկային օբյեկտների վրա ցանկացած հարձակում կստանա անհապաղ և վճռական պատասխանի: Բայց ես չեմ կարծում, որ նրանք կանեն այդ խելագարությունը: Սա իսկապես խելագարություն է: Եվ դա կհանգեցնի ամբողջ տարածաշրջանի համար շատ վատ աղետի», — ասել է Արաղչին:
Թեհրանը բազմիցս հայտարարել է, որ երկրի միջուկային ծրագիրը խաղաղ բնութ է կրում և քաղաքացիական նպատակներով է զարգացվում, մինչև ԱՄՆ-ն և Իսրայելը պնդում են, որ Իրանը միջուկային զենք է ստեղծում: